Big B is Back for KBC!
Bollywood ke superstar Amitabh Bachchan ne confirm kar diya hai ki woh Kaun Banega Crorepati (KBC) ke next season mein wapas aa rahe hain. Yeh news sunke sabhi fans khush ho jayenge!
Emotional Farewell, But a Grand Return
12 March ko, makers ne ek video release kiya jismein Big B emotional hote hue audience ko alvida keh rahe the, lekin saath hi yeh bhi kaha ki woh agle season mein wapas milenge. 82 saal ke Big B ne apne dil ki baat Hindi mein share ki, aur viewers ke saath apne strong connection ke baare mein bataya.
Big B’s Heartfelt Words
Unhone kaha, “Har daur ki shuruwat mai ek soch aati hai-ki itne saal guzarne ke baad bhi, kya woh pyaar, woh saath, woh apnapan aap sab ki aankhon mein dekhne ko milega? Aur har daur ke ant tak, yahi sach ban jaata hai ki is khel, is manch aur maine jitna chaha hai, usse kahi zyada mujhe mila hai. Aur yeh silsila lagataar chalta rehta hai. Humari umeed hai ki yeh chaah hamesha bani rahe, kabhi na toote.”
Big B ne aage kaha, “Jaate jaate, bas itna kehna chahta hoon ki agar humari koshishon ne kisi ki bhi zindagi ko zara sa bhi chhooha hai, ya yahan bole gaye shabdon ne koi umeed jagayi hai, toh main samjhunga ki humari 25 varshon ki yeh sadhna safal rahi. So, devi aur sajjanon, ab main aapse agle daur mein milunga. Apni mehnat par vishwas rakhiye, apne sapno ko zinda rakhiye. Na rukiye, na jhukiye-jo hain, jaise hain, anmol hain. Aapse phir mulaqat hogi, tab tak main Amitabh Bachchan iss manch se, iss daur ke liye aakhri baar keh raha hoon-Shubh Ratri.”
What’s Next for Big B?
Reports ke mutaabik, Amitabh Bachchan ko last time Rajinikanth ke saath movie ‘Vettaiyan’ mein dekha gaya tha. Ab fans KBC ke next season ka besabri se intezaar kar rahe hain!
KBC: A Legacy Continues
Kaun Banega Crorepati, ek popular game show hai jo saalon se audience ko entertain karta aa raha hai. Big B ke hosting style aur unke unique andaaz ne is show ko aur bhi special bana diya hai.
Stay Tuned for More Updates!
KBC ke next season ke latest updates ke liye hamare saath jude rahiye. Hum aapko sabse pehle khabar denge!
