Garmi se pareshan? Northeast India mein thandak ki chuttiyan!
Garmi aapko pareshan kar rahi hai? Shehar ki bheed aur garmi se door, Northeast India ke thande pahado, hari-bhari ghatiyon aur khoobsurat nazaro mein kho jao! Yahan aise jagah hai jo aapko bilkul nayi duniya mein le jayenge.
Iss ilaake mein abhi tak zyada bheed nahi hai, isliye aapko yahan ki khoobsurati shanti se dekhne ka mauka milega. Chai ke baghano se lekar saaf pani ki nadiyon tak, Northeast India mein aise anubhav aapko milenge jo aapko kahin aur nahi milenge.
Top 5 summer getaways in Northeast India:
1. Shillong, Meghalaya
‘Scotland of the East’ ke naam se famous Shillong ekdum postcard jaisa hai. Yahan ke pahad, jharne aur shant vatavaran aapko garmi mein thandak denge. Mausam perfect, khana lajawab aur nazare ekdum kamaal ke! Ward’s Lake ke paas ghumo, momos khao aur Laitlum Canyons se amazing nazaro ka maza lo. Music lovers ke liye toh yahan live music scene bhi hai. Aur Krang Suri Waterfalls toh aapko bilkul hi magical lagega.
2. Tawang, Arunachal Pradesh
Agar aapko pahado ke aise nazare dekhne hai jo aapko heran kar de, toh Tawang aapke liye perfect hai. 10,000 feet ki height par sthit iss shehar mein barf se dhake pahad, jheelein aur mandir hai. Yahan ka sabse bada attraction Tawang Monastery hai jo India ke sabse bade monasteries mein se ek hai. Sela Pass ke dhuand bhare raste aur frozen lake aapko ek sapne jaisa anubhav denge. Sabse achhi baat yeh hai ki yahan bheed kam hoti hai.
3. Ziro Valley, Arunachal Pradesh
Hari-bhari pahadiyan, chawal ke khet aur shanti pasand logo ke liye Ziro Valley ek paradise hai. Apatani tribe ka ghar, yeh UNESCO heritage site nature lovers ke liye best hai. Yahan hiking trails bhi hai aur gaon mein ghumne ka bhi maza hi kuch aur hai. Ziro apne home-brewed rice beer ke liye bhi famous hai. Agar aap September mein jaate hai toh Ziro Music Festival dekh sakte hai.
4. Majuli, Assam
Kuch unique dhund rahe hai? Majuli aapke liye perfect hai. Brahmaputra nadi ke beech mein yeh island bahut hi khoobsurat hai. Yahan ke traditional satras, festivals aur shant vatavaran aapko is jagah se pyar karwa denge. Cycle rent karo aur gaon mein ghumo. River ke kinare sunset dekhna mat bhoolna. Aur local Assamese thali toh try karni hi chahiye.
5. Pelling, Sikkim
Gangtok jitna famous nahi hai, lekin Pelling ki khoobsurati hi kuch aur hai. Kanchenjunga range ke best views yahan se milte hai. Chaahe aapko monasteries pasand ho ya jheelein, yahan sabke liye kuch na kuch hai. Pemayangtse Monastery, Rabdentse Ruins aur Khecheopalri Lake jaana mat bhoolna. Adventure lovers Singshore Bridge ja sakte hai. Kanchenjunga par sunrise dekhna toh aapki trip ka best part hoga.
